Kiniddaw ni dati nga ACT Teachers Partylist Rep. France Castro a maipaayan iti due process dagiti agtutubo wenno menor de edad a nakemmeg kabayatan ti protesta kontra korapsion idi kalman.
Iti pannaki-uman ti Bombo Radyo Vigan ken ni Castro, pakaladingitanna nga adda dagiti agtutubo a nadunor wenno nakemmeg iti baet ti panangipeksada iti nalaus a pungtotda iti gobierno gapu iti korapsion.
Kunana a husto man wenno saan ti wagas ti panagprotestada ket nasken a saan ida nga ibilang a criminal.
Singasingna pay a nasken a kitaen a naimbag ti gobierno no apay nga immabot iti kasta karanggas ti wagas ti panagprotestada.
Nupay kasta, nagpanawagan ti dati a kongresista a maibasuran ti daan a sistema ti gobierno nga adda dagiti korap ta patienna a no maisardeng ti kastoy nga aramid ket ad-adu a serbisio publiko ti mailatangan iti pondo.
