Sumango inton bigat ni dati a Presidente Rodrigo Duterte iti House committee hearing tapno sungbatanna dagiti saludsod maipapan iti kontrobersial a war on drugs.
Immunan a nagkedked ni Duterte nga umaytendar ti nasao a hearing gapu ta kuestionaranna ti integridad ti komite.
Agbiahe ti dati a presidente manipud Davao City ken agpa-medical procedure sakbay ti hearing.
Kinunana a nakasagana a mangsango kadagiti mangak-akusar kenkuana ken usarenna ti utekna, saan a ti bagina a mangidepensa iti bagina.
Kabayatanna, binabalaw dagiti agpanpanday-linteg ti Kamara ni Duterte gapu iti panangbaybay-ana kadagiti polis a nangisayangkat iti drug war nga itan ket sumangsango iti kaso, ken ti panangbaybay-anna kadakuada.
Imbutaktak ti PNP chief a ni General Rommel Francisco Marbil, a nasurok a 1,200 nga opisial ti naapektaran iti drug war, ginasut ti natay wenno nadundunor ken adu ti sumangsango iti kaso a kriminal.
