Pinasingkedan ti abogado ni dati a Pres. Rodrigo Duterte a ni Nicholas Kaufman a namindua a daras a nag-collapse ti dati a presidente bayat nga adda iti detensyon iti International Criminal Court (ICC) idiay The Hague, Netherlands.
Segun ken ni Kaufman, nakapasar ni Duterte iti nakaru a short-term memory loss ngem ngem agtaltalinaed ti long-term memory-na.
Kinunana nga adda naisina a medical report a naipila tapno suportaran ti kiddaw para iti interim release kalpasan a saan nga inawat ti korte ti ebidensya maipanggep iti pisikal ken cognitive a kasasaad ni Duterte.
Innayon ni Kaufman a maibilang a nakapsot ni Duterte ngem saan a maipakpakita iti publiko para laeng iti demonstration.
Nangrugi idi kalman dagiti panagdenggeg tapno amwen no rumbeng a ma-trial ni Duterte iti crimes against humanity maipanggep iti kampania kontra droga.
