Nakairekord ti nasurok 61, 000 nga indibidwal ti natiliw dagiti otoridad kalpasan a naipatungpal ti nainget nga implementasion ti Safer Cities Initiative a nairusat iti panangidaulo ti Department of the Interior and Local Government (DILG) ken Philippine National Police (PNP) manipud Abril 6 agingga Abril 11.
Nasurok 18, 900 ti nairekord iti salinong ti common offenses kas ti panaginom ti arak iti kalsada ken panag-sigarilyo kadagiti pampubliko a lugar.
Paset met ti datos iti dandani 526 a kaso ti panagruar a nakalamo-lamo, 586 met ti naglabsing iti enhanced curfew hours kabayatan a 70 ti nairekord iti karaoke-related violations.
30, 000 ti nairekord a naglabsing iti classified iti salinong ti lokal nga ordinansa kas ti loitering, public disturbance ken dadduma pay.
Inlawlawag ni PNP Chief PGen. Jose Melencio Nartatez Jr., a ti nagbalin a resulta kadagiti naisayangkat nga operasion ken mangipakita iti napapigsa a police visibility ken mas napainget a koordinasion dagiti lokal nga otoridad iti panangpatalinaed ti kinatalna.
