Indauloan ni Department of Interior and Local Government secretary Jonvic Remulla ti Oversight Committee Meeting mainaig ti Enhanced Managing Police Operations (EMPO.
Ti nadakamat a taripnong ket nakipasetan ti command group, directional staff ken nangangato nga opisial ti PNP iti panangidaulo ni PNP Chief Jose Melencio Nartatez Jr.
Gagem ti aktibidad a sukisoken ti agdama nga estado ti seguridad ken papigsaen ti koordinasion ti kapulisan iti intero a lubong.
Naipakaammo iti taripnong dagiti nagbalin a balligi ti PNP iti salinong ti Safer Cities Initiative.
Segun met ken ni Remulla, napateg dagituy a regular a a taripnong tapno masigurado ti tunggal estado ti command ket agtaltalinaed nga alerto ken pudno iti responsibilidad da tapno protektaran dagiti umili a Pilipino.
