Ininspeksyon ni Agriculture Secretary Francisco Tiu Laurel Jr. ti dua kadagiti tallo a farm-to-market road projects a saan a nalpas idiay Davao region.
Segun ken ni Laurel, dagiti nasao a proyekto ket rumbeng a nalpas koma idi 2021.
Paayaban ti DA dagiti kontratista iti tallo a farm-to market roads ken mapagpalawag dagiti engineer iti Department of Public Works and Highways a nakadeploy manipod 2021 agingga 2022.
Ti tunggal kalsada dagiti nasao a farm-tomarket roads ket napondoan ti P12 million agingga P15 million ken saan a rumbeng a nababbaba iti maysa a kilometro.
Innayonna nga agkasapulan iti pagilian ti nasurok-kumurang 131,000 a kilometro a farm-to-market road a gagem a maikonektar iti agricultural production areas kadagiti paggatangan iti lugar.
