VIGAN CITY- Adu pay dagiti ibutaktak ni Customs deputy collector Atty. Lourdes Mangaoang iti media inaig iti mapapati nga anomalya idiay Bureau of Customs ket isagsagana nan ti affidavit ken ebidensiya kadagiti baro nga expose na.
Ti ekslusibo a pannaki-uman ti Bombo Radyo Vigan ken ni Mangaoang, kinunana nga uray nu nakaipasan ti request latter na, agdudua no ituloy na ti kiddaw na a maisakup iti Witness Protection Program (WPP) ti Department of Justice ta malimitaran ton iti panagpainterview na ti media.
Para ti customs deputy collector, ti media ti katulungan na tapnu maibutaktak dagiti anomalya idiay BOC ken isu ti patien na a mangsalsalaknib kenkuana manipud kadagiti pangta iti biag da.
Inpatangken ti opisyal a saan nga agbuteng uray nu adu dagiti madungpar na a dakkel a personalidad kadagiti ibutaktak na nga impormasyon ta ti pagtaktakderan na ket iti kinapudno ken dakkel pay iti tulong ti suporta dagiti umili a mamati kadagiti ibagbag na ta saan met a para ti bukod na nga interes ti ar-aramiden na no di ket para kadagiti amin nga umili nangruna kadagiti sumaruno a kapututan.
