Sinaludsod ti defense team dagiti confidential activities ken engagements ni Vice President Sara Duterte para iti umuna a quarter iti 2023 nga insagana ni Col. Raymund Dante Lachica a mangidaulo ti Vice President Security and Protection Group (VPSPG).
Nakalanad iti certification nga inruar ni Lachica a naisayangkat dagiti surveillance ken information gathering iti 127 areas iti 1st quarter ken 111 areas iti 2nd quarter iti 2023.
Dinakamat ni Atty. Kristine Ferrer ti defense team nga immunan a kinuna ni Commission on Audit-Intelligence and Confidential Funds Audit Office (COA-ICFAO) State Auditor Xylene del Campo idi kalman a saan a nakastrek ti confidential activities para iti panagaramat ti confidential funds kadagiti nailista nga engagements iti Office of the Vice President (OVP) iti salinong ti 4.8.5 iti Joint Circular 2015-01.
No pay kasta, iti salinong ti summary of intelligence work iti salinong ti Protective Intelligence Operation Report (PIOR) ket nakalista dagiti aktibidad a kinumpirmaran ni Del Campo a nakastek ti intelligence ken surveillance works.
Karaman dayta iti liaising wenno pannakikammayet dagiti intel operatives ken informants ti Philippine National Police (PNP) para ti threat assessments iti lugar a papanan ti bise presidente, intelligence fusion para ti threat assessment ken update iti sitwasyon, profiling dagiti participants a dumar-ay iti events, ken deployment iti intel operatives ken informants kadagiti pakaisayangkatan iti event.
Impakita pay ni Ferrerti 2nd ken 3rd quarter a listaan ti engagement ni VP Sara nga inanamungan met ni Del Campo a paset iti surveillance activities.
