Saanen a paayaban ti prosecution team ni Col. Raymund Dante Lachica ta nayetnagen a naaddaanda ti misused wenno saan a husto a panagaramat ti confidential funds ni Vice President Sara Duterte.
Dayta iti pinasingkedan ni prosecution spokesman ken Lanao del Sur Rep. Zia Alonto Adiong bayat ti press conference, iti baet dagiti singasing a patulodan ti subpoena ni Lachica ta isuna iti kanayon nga itudo da Special Disbursing Officer (SDO) Gina Acosta ken Office of the Vice President (OVP) Undersecretary Lemuel Ortonio nga isu ti immawat ken nag-implementar iti confidential funds.
Mapapati a nayetnag payen ti prosecution ti sungsungbatan ni Duterte gapu iti madi a panagaramat iti confidential funds isu a saanen a kasapulan pay a paayabanda ti security officer ti bise presidente.
Immunan nga imbingay ni Lachica a nakasagana nga agtestigo ken agsarita ti kinapudno iti impeachment trial kontra ken ni Duterte isu a kinarit met ni prosecution spokesperson ken Kabataan party-list Rep. Renee Co nga agsarita iti kinapudno iti Ombudsman ta imimbestigaranda metten ti opisial.
