--Ads--
Kinontra ni Atty. Shiela Sison, lead counsel ni Vice President Sara Duterte, ti plano ti prosecution team a paayaban ti bise presidente kas testigo iti impeachment trial.
Pinasingkedan ni Sison ti Constitutional provision no sadino maiparit ti akusado a tumestigo kontra iti bukod na a bagi iti trial.
Inaramid ti lead counsel ti defense team kas sungbat iti manifestation ni private prosecutor Atty. Lorna Kapunan a kayat da a paayaban ni Duterte iti witness stand iti husto a panawen.
Daytoy ket kalpasan nga impaganetget ni Kapunan a saan dan nga ipasango ti nabatbati a 15 a testigo iti article nga adda pakainaiganna iti maipagarup a madi a panagaramat ti confidential funds.
-- ADVERTISEMENT --
