Pinalubosan ti Sandiganbayan ni dati a DPWH-Mimaropa Construction Division chief Dominic Serrano a pada nga akusado ni dati a Cong. Zaldy Co a dumalan iti medical checkup para iti heart condition-na.
Dayta ket kalpasan a kiniddaw ni Serrano iti Sixth Division iti anti-graft court iti panagdenggeg iita nga aldaw, July 23, 2026 a dumalan iti nasao a checkup iti Philippine Heart Center inton bigat.
Inlawlawag ti abogado ni Serrano a ni Atty. Gideon Ventura nga adda pito a coronary stents iti kliyentena, bassit dayta a mesh tubes a naka-implant iti puso.
Kiddaw ti abogado a palubosan ti miembro ti pamilia ni Serrano a tumulong iti kliyentena iti panagbisitya ngem pinagkedkedan ni Associate Justice Sara Jane Fernandez ta adda met ti hospital personnel a mabalin a mangtulong ken ni Serrano.
