Pinatulodanen ti subpoena ti National Bureau of Investigation wenno NBI ni dati a Rep. Mike Defensor gapu kadagiti alegasyon a mangir-iruar ti kuarta kadagiti 18 a dati a marines tapno agsarita iti flood control scam.
Segun ken ni NBI Director Melvin Matibag, naidiayaan iti sag-P5 million ti tunggal ex-marines tapno mangisayangkat kadagiti presscon ken agtestigo iti Senado maipanggep ti anomalia iti flood control projects.
Kinunana nga adda immasideg kadakuada nga adda pakainaigan wenno relasyon iti maysa kadagiti 18-marines a dati nga aid ni Ako Bicol Rep. Zaldy Co tapno ibutaktak iti nasao nga isyu.
Kinunana a nagpatangan dayta dagiti impormante ken maysa a dati a marine ta agnanaedda iti maymaysa a pagtaengan.
Mapapati pay nga adda naited a pakpaka-una a bayad a P700,000 kadagiti ex-marines ngem saanda pay a fully paid.
Kabayatanna, paawagan ti NBI ti 18 ex-marines tapno pagpalawagen ti alegasyon iti maysa kadagiti asawa iti 18 a dati a kameng ti kongresista nga ita ket aglemlemmeng iti sabali a pagilian.
