Imbutaktak ti ex-marines iti panagdenggeg iti Senado a mapapati a nakisinnarak da dati a House Speaker Martin Romualdez ken dati a Senador Antonio Trillanes IV kadagiti imbestigador iti International Criminal Court (ICC).
Segun ti maysa a testigo a mapapati a dati nga staff ni dati a Rep. Zaldy Co, mangmangted ti seguridad ti grupo kadagiti suldado kadagiti gangannaet a bisita nga agliklikmot ken makitartaripnong kadagiti lokal a pulitiko.
Mapapati a napasamak iti taripnong idi pay laeng December 2023.
Kinuna ti testigo a nakitaripnong ni Trillanes iti maysa a hotel idiay Makati idinto a ni Romualdez ken Rep. Zaldy Co ket makisinsinnarak kadagiti gangannaet iti maysa a townhouse idiay McKinley.
Pinasingkedan pay ti maysa a witness nga isuna ti mangisuksukat ti dua a maleta a naglaon iti P50 million agingga P60 million tunggal maysa iti dolyar tapno mapapati nga ited iti ICC.
