Inlawlawag ni Education Secretary Juan Edgardo Angara a bayat a nakalanad ti general rule a saan a maipalubos iti panagaramat ti cellphone iti oras ti klase ket suportaran ti Department of Education (DepEd) ti panagaramat ti electronic devices nu mairaman iti panagadal.
Immunan a naaddaan ti debate maipanggep iti cellphones ken tablets kadagiti classroom kangrunaan kadagiti pagadalan nga agtultuloy ken nainget a mangipatpatungpal iti “no gadget” policies.
Segun ken ni Angara, general rule iti saan a panagaramat ti cellphone iti oras ti klase ngem nu para iti panagsursuro wenno pakasursurwan ket maipalubos latta.
Ti digital gadgets ket nagbalin nga essential classroom tools kadagiti adu a public schools kangrunaan nu kurang iti physical textbooks, workbooks ken reference materials.
