Plano ti Catholics Bishops’ Conference of the Philippines (CBCP) a makikammayet kadagiti ahensya iti gobierno ken civil society groups tapno mapasayaat ti pannakaited ti serbisyo kadagiti marigrigat.
Segun ken ni San Carlos Gerardo Alminaza, gagem dagiti partnership a masigurado a dagiti programa para kadagiti umili ket maipatulod kadagiti husto a benepisyo ken masubaybayan a nasayaat kangrunaan para kadagiti marigrigat.
Kinunana nga agserbi a plataporma ti National Social Action General Assembly (NASAGA) 2026 inton Pebrero para iti dayalogo iti nagbaetan iti simbaan ken dagiti opisyal iti gobierno.
Kabayatanna, pinasingkedan ni CBCP President Archbishop Gilbert Garcera a silulukat isuna tapno makataripnong ni Pres. Ferdinand Marcos Jr. tapno pagpatangan dagiti inisyatiba a mangpasayaat kadagiti umili.
Immunan a kinondenar ti CBCP ti mapapati a korapsyon ti flood control projects ken nagpanawagan nga isubli ti pondo a natakaw manipod kadagiti umili.
