Cavite Rep. Barzaga, nagipila ti counter affidavit maipanggep iti naipila nga inciting to sedition iti PNP-CIDG

Impila ni suspended Cavite 4^th District Rep. Kiko Barzaga ti counter affidavit-na iti reklamo nga inciting to sedition ken inciting to rebellion.

Nagturong ni Barzaga iti opisina iti Department of Justice (DOJ) sakbay nga agalas tres iti male midi kalman.

Ti nasao a reklamo ket impila ti Philippine National Police – Criminal Investigation and Detection Group (PNP-CIDG) gapu kadagiti post-na iti online.

Kangrunaan a pinasingkedan ni Barzaga ti panawagan a secession wenno panangisina iti Mindanao iti Pilipinas.

Malaksid dayta ket nagibasaran ti PNP-CIDG ti panangallukoyna nga agprotesta nga awan iti permit iti Forbes Park idiay Makati City idi October 2025.

Impaganetget met ni Barzaga a paset laeng dayta iti freedom of speech ken nakappia iti naisayangkat a protesta.

Kabayatanna, natalek ti kongresista a masolbar ti sangsangwenna nga ethics complaint iti Kamara sakbay iti panagsublina inton Pebrero.