6 nga indibidual agraman ni Sen. Padilla, naisingasing a mapilaan iti kaso gapu iti panangtulongda a makalibas ni Sen. Dela Rosa

Kinumpirmaran ti Criminal Investigation and Detection Group nga adda 6 nga indibidual ti insingasingda a mapilaan iti kaso nga Obstruction of Justice mainaig iti panaglibas ni Senador ‘Bato’ dela Rosa nga adda warrant of arrest-na manipud iti International Criminal Court.

Segun ken ni CIDG Director PMGen. Robert Morico II, karaman kadagiti 6 da Senador Robin Padilla, ti akinkukua ti lugan a nagserbi a back up car ken ti babai a security officer ni Senador Padilla.

Naammuan pay a ti akinkukua iti nasao a back up car a maysa a pick-up a lugan ket ti anak ti uliteg ni Sen. Robin.

Agtultuloy met ti panangipasa ti CIDG kadagiti nayon nga ebidensia iti Department of Justice mainaig iti nasao nga insidente.