Dukduktalen ti Bureau of Customs (BOC) nu siasino dagiti dealer ti pamilia Discaya kadagiti luxury cars.
Segun ken ni Customs Commissioner Ariel Nepomuceno, adda iti gundaway ti pamilia Discaya nga ipakita dagiti mayannatup a dokumento dagiti agkakangina a lugan tapno mapaneknekan nu dimmalan iti husto a proseso.
Kinunana a nagdisnudo ti pamilia nga isubli iti compound iti St. Gerrard Construction General Contractor and Development Corporation idiay Pasig City dagiti luxury vehicles a subject iti search warrant.
Ti addang ket kalpasan a nagballaag ti opisyal ti pamilia Discaya a matuntondanto met laeng dagiti luxury vehciles uray nu ilemmengda dagitoy.
Malaksid iti 12 luxury vehicles ket adda dua pay nga agkakangina a lugan ti pamilia nga iggemen iti BOC.
Inlawlawag ti opisyal nga immunada laeng nga imbilin ti panag-apply ti search warrant iti 12 luxury vehicles ta posible a marigatan ti BOC a matunton dagiti lugan nu mapabayag pay iti operasyon.
