VIGAN CITY- Makilinlinnumba ti driver ti mini bus a ni Norman Verazon ti Nagsupotan, San Juan isu a nadungpar na iti agpa-amyanan a Ford Everest a minaneho ni Juan Pagao ti Gongogong, San Ildefonso idi nagovertake idiay kalsada ti Resureccion, San Juan a nakairamanan pay iti maysa a motorsiklo a minaneho ni Jerald Rapin ti Pira, Cabugao.
Segun ken ni PSInsp. Benjamin Racquedan, hepe ti San Juan municipal police station, uray la nagtayyek a naipasango ti amyanan ti Ford Everest idi nadungpar iti mini bus idi nagovertake ket nairaman ti motorsiklo a rason nu apay a nadunor iti ulo ni Rapin isu a naitaray idiay Pira Clinic and Hospital ngem naiyalis iti ospital idiay Batac para iti naan-anay a pannakataming na.
Gapu ti pasamak, binalakadan ni Racquedan dagiti amin a motorista ken agmanmaneho ti lugan, nangruna dagiti mini bus a liklikan da iti makilinnumba kadagiti pada da a driver tapnu awan iti aksidente a mapasamak.
