VIGAN CITY – Awan pay ti persons of interest dagiti otoridad iti panagtakawan idiay Bacsayan, Sta. Cruz idi alas onse iti bigat ti June 11 ngem segun ken ni Police Capt. Macario Dolaoan, hepe ti Sta. Cruz municipal police station, addan iti atapen dagiti akin-kukua iti natakawan a pagtaengan ngem saan da pay mabalin nga ibuksilan iti kinatao da.
Pinasingkedan met ni Dolaoan nga adda dagiti CCTV a nakaimontar iti pagtaengan ti biktima a ni Reynante Jaramilla Jaramilla nga agtawen iti lima pulo ket innem, naasawaan ken maysa nga engineer a katulungan dagiti otoridad a mangduktal nu siasino dagiti suspek.
Natakaw iti pagtaengan ni Jaramilla iti naduma-duma a klase ti cellphone, relo, graduation bull ring ken maysa a remington pistol cal. 45 a ti pakabuklan a gatad na ket dua gasut walo pulo ket pito ribo a pisos ken kwarta nga aggatad iti lima ribo a pisos.
Naduktalan ti biktima iti nasao a panagtakawan idi nakita na a nakalukat iti ruwangan iti kwarto na nga isu iti mapapati a simrekan ken rimuwaran dagiti suspek.
