VIGAN CITY – Nanayunan ti sangapulo ket uppat a baro a kaso iti covid-19 iti Ilocos Sur iti nagpatnag.
Ni IS-C447 ket babai, agtawen ti duapulo ket pito, agnaed idiay Brgy. Cuantacla, Cabugao, asymptomatic, returning resident nga adda travel history-na idiay National Capital region, high risk area iti exposure-na ken extensive iti nakapulapolna.
Ni IS-C448 ket lalaki nga agtawen ti limapulo ket uppat, taga-Zone 1, Bantay, negosyante, APOR nga adda travel history-na idiay Pampanga, high risk ti exposure-na, extensive iti nakapulapolna ngem asymptomatic.
Ni IS-C449 ket awan iti travel historyna ngem nakapulapolna iti maysa a kumpirmado a kaso idiay La Union isu a nakarikna iti sintomas a panaggurigor ken panaguyek.
Ti pasyente ket babai nga agtawen ti tallopulo ket uppat, office staff nga agnaed idiay Brgy. Parioc 1st, Candon City.
Maysa nga emplyado iti Mall ni IS-C450, babai nga agtawen ti duapulo ket uppat a taga-Ag-agrao, asymptomatic, awan ti travel history-na ngem na-expose ken ni IS-C411 ken extensive iti nakapulapolna.
Agpapada nga agnaed idiay Brgy. Nalvo, Sta. Maria da IS-C451, 452 ken 453.
Estudyante a lalaki ni IS-C451, agtawen ti sangapulo ket dua, awan ti travel historyna, na-expose ken ni IS-C420 ken broad iti nakapulapolna ngem asymptomatic idinto a lalaki met laeng ni IS-C452, agtawen ti tallopulo ket uppat, asymptomatic, awan iti travel history-na, extensive iti nakapulapolna ngem nai-expose met laeng ken ni IS-C420.
Executive Assistant iti National Tobacco Administration ni IS-C453, babai, agtawen ti tallopulo ket pito, asymptomatic, awan ti travel history-na ngem exposed ken ni IS-C412 ken extensive iti nakapulapolna.
Nagurigor ken nagpanateng ni IS-C454 ta nai-expose ken ni IS-C419, extensive iti nakapulapolna ngem awan iti travel historyna. Agtawen ti limapulo ket uppat ti pasyente a babai nga agnaed idiay Brgy. Poblcaion Sur, Sta Maria.
Nagpanateng met ni IS-C455, returning resident ket naggapo isuna iti probinsia iti Bulacan ken adu iti nakapulapolna. Agtawenen ti uppat a pulo ket innem ti pasyente a lalaki nga agnaed idiay Brgy. Basug, Santa.
Returning overseas Filipino manipod Italia ni IS-C457, agtawen ti tallopulo ket uppat, babai nga agnaed idiay Brgy. Sived, Sto. Domingo, asymptomatic ngem high risk area iti exposurena ken extensive iti nakapulapolna.
Returning resident ni IS-C458, babai, agtawen ti duapulo ket lima nga agnaed idiay Brgy. Ambulogan, Narvacan, asymptomatic, adda ti travel historyna idiay National Capital Region, high risk area iti exposure ken broad iti nakapulapolna.
Negosyante ni IS-C459, lalaki, agtawen ti duapulo ket walo nga agnaed idiay Brgy. Banglayan, Narvacan. Ti pasyente ket naguyek, awan iti travel history-na, na-expose iti nagpositibo a kaso iti antigen test ken broad iti nakapulapolna.
Asymptomatic met ni IS-C460 a babai, agtawen ti sangapulo ket siam, taga-Poblacion Sur, Sta. Maria, awan ti travel historyna, na-expose ken ni IS-C419 ken extensive iti nakapulapolna.
Gapu iti dayta ket maidalan iti EECQ iti naisakup ti critical zone, MECQ iti containment zone ken GCQ iti bufferzone manipod March 24 agingga April 7, 2021.
Kabayatanna, returning resident ni IS-C456, agtawen ti limapulo ket innem a taga- Brgy. Pantay Tammurong, Caoayan.
Ti pasyente ket nagpanateng, adda iti travel history-na idiay National Capital Region, high risk area iti exposure-na ngem limitado iti contacts-na isu a saanen kasapulan pay iti community containment iti lugarda.
