Impakaammo ti Commission on Elections (COMELEC) a maituloyen iti panag-imprenta kadagiti official ballot para iti 2025 national ken local elections ita nga aldaw (January 27, 2025) kalpasan ti tallo a lawas a pannakadelayda.
Kinumpirmaran ni Comelec Chairman George Garcia nga uray adda dagiti petisyon a nakapenpen iti Korte Suprema ket agtultuloy iti imbestigasyon ti balota.
Impakaammo ti poll body iti Korte Suprema dagiti addangda ken naipaganetget iti kinapateg ti panagrugi ti proseso.
Segun ken ni Garcia, bayat nga awan ti nayon a temporary restraining orders a nairuar ket agtultuloy iti panag-print.
Ti panakadelay ti priting ket gapu iti nairuar a TRO manipod Korte Supema inaig iti disqualification dagiti dadduma a lokal a kandidato iti midterm elections idi May 12 a nagresulta iti pannakasayang iti innem a million a balota.
Iti pannakatuloy ti panag-imprenta ket target ti Comelec nga ag-print ti 1.5 million a balota kada aldaw, nangatngaton manipod iti dati a target a maysa a million a balota.
Impaganetget iti Comelec a saanen a maikkat ti nagan iti balota iti laksid iti panagatras iti maysa a kandidato nu nangrugin ti ballot printing para inton May 2025 national ken local elections.
