Nakemmeg ti maysa a babai a nagaramat iti peke a kuarta a pinaggatang iti Sto. Domingo Public Market, Barangay Vacunero, Sto. Domingo, Ilocos Sur.
Nabigbig ti suspek a ni Jenna Mae Taroy Tek-ing, agtawen iti sangapulo ket siam, taga-Barangay Pio Cruzcosa, Malolos, Bulacan.
Ti met biktima ket ni Dolores Alaibilla Taasin, agtawen iti innem a pulo ket tallo, negosyante, taga-Barangay Vacunero, Sto. Domingo.
Napan ti suspek iti puesto ti biktima a gimmatang iti red egg ken balut nga aggatad iti PHP225.00 ket inyawatna ti maysa a sangaribo a pisos.
Idi kinita a nalaing ti biktima, natakuatanna a peke ti kuarta isu a tinengngelna ti suspek ket inreportna iti Sto. Domingo Police Station.
Ti suspek ket karaman iti grupo nga idadaulwan ti managan iti “Ali” nga agdakdakiwas iti probinsia.
