Kinumpirmaran ti Korte Suprema a nainayon iti legal team ni Vice President Sara Duterte ti dati a pannakangiwatna a ni Atty. Michael Poa.
Ti addang ket kalpasan a nagipila ti Entry of Appearance ti dati nga spokesperson ti Department of Education (DepEd) ken Office of the Vice President (OVP).
Mainaig dayta iti petisyon ti kampo ni Duterte a mangkukwestyon iti impeachment case a mapapati a nanglabsing iti maawagan a one year bar iti salinong ti linteg.
Saan a mapalubosan ti nasurok maysa nga impeachment proceedings iti maysa nga opisyal iti uneg ti makatawen.
Maibasar ti petition for certiorari and prohibition a naipila idi Pebrero, karaman nga agbalin a legal counsel ni Vice President Sara ti amana a dati a presidente a ni Rodrigo Duterte tapno lapdan ti impeachment-na.
