Impakaammo ni Representative Gerville Luistro nga agtuloy ti impeachment trial kontra ken ni Vice President Sara Duterte uray saan a personal nga umatendar iti panagdenggeg ti Senado.
Segun ken ni Luistro, nakaipalaon iti Senate impeachment rules a mabalin a matuloy ti trial uray saan nga agipasa ti sungbat wenno saan a sumango ti bise presidente ken ti legal team-na.
Automatiko a maibilang a “not guilty” plea ti saan a panagatendar ni VP Sara iti trial.
Pinasingkedan ni Luistro a mabalin a “disadvantageous” iti depensa ni Duterte ti agtultuloy a panag-absent gapu ta napateg ti sungbat-na kadagiti alegasion iti impeachment proceedings.
Immunan nga impaganetget ti kampo ti bise presidente a nakadepende iti kasapulan ti korte ti panagatendar ni VP Sara iti impeachment trial.
