Naisanud ti arraignment wenno panagibasa iti kaso da Senador Jinggoy Estrada ken dati a Department of Public Works and Highways (DPWH) Secretary Manuel Bonoan iti kaso a graft ken plunder iti Sandiganbayan Fifth Division.
Nakaituding koma a maibasa ti kaso ti dua ita nga aldaw ngem nayakar inton Hulyo 28.
Dayta ket kasaruno iti impila a mosyon ti state prosecutors iti anti-graft court division tapno amyendaran ti case information tapno ikkaten ni Bonoan manipod iti kaso.
Maipalagip a kinumpirmaran ni Ombudsman Jesus Crispin Remulla nga immanugot ni Bonoan nga agbalin nga state witness.
Kinuna ni Ombudsman, napateg ti nalawa nga ammo ti dati a secretary tapno mapaneknekan ti adu a kaso maipanggep ti flood control scandal.
Ti arraignment ket marka iti pormal a panagrugui ti trial a mangmandato kadagiti akusado a sumango ti korte sakbay a kiddawen ti panagserrek ti guilty wenno not guilty plea.
