Impaganetget ni dati a House Speaker Martin Romualdez a nagresulta iti nakaru a panagdudua kadagiti alegasion a mainanaig kenkuana iti flood control scandal ti panagbabawi ni Orly Gutexa ken sumagmamano a naibilang a “Maleta Boys” wenno grupo iti sangapulo ket walo a dati a security aide ken driver ni dati nga Ako Bicol party-list Rep. Zaldy Co.
Dayta iti pinasingkedan ni Romualdez iti maika-duapulo ket lima a panid iti supplemental counter-affidavit a naipila iti Office of the Ombudsman idi Huebes.
Segun ken ni Romualdez, saan laeng a dinadael dayta ti reliability ken credibility dagiti kangrunaan a testigo.
Impaganetgetna a saan a rumbeng nga ipalubos ti Ombudsman nga agtultuloy dagiti reklamo a naipila kontra kenkuana.
Ni Guteza a maysa a dati a Marine a nagpayam-ammo a bagman ni Co ket imbabawina iti immunan a testimoniana a mapapati a nangipatulod isuna kadagiti maleta a napunno iti kuarta nga adda pakainaigan ti kwestyunable a flood control project a nagturong iti maysa a property a maikonektar ken ni Romualdez.
