Posible a marisut ita a tawen dagiti immuna a kaso nga adda pakainaiganna iti flood control scandal nga agdama a madengdengngeg iti Sandiganbayan.
Iti napasamak a Senate Finance Committee para iti deliberasion ti gakat a budget ti judiciary inton 2027, impaganetget ni Sandiganbayan Presiding Justice Geraldine Faith Econg a mabalin nga agiruar ti decision ti korte mainaig iti conviction wenno acquittal dagiti akusado.
Segun ken ni Justice Econg, ti kaunaan a kaso nga impila ti Office of the Ombudsman idi Nobiembre 18, 2025 ket napardas a dimmur-as ken agdama nga adda iti defense stage sakbay pay nga agmaysa a tawen.
Pinasingkedan ti opisial a no suroten ti probision ti Speedy Trial Act nga indatag ti Korte Suprema, adda dakkel a posibilidad ken ma-desisyonan ti nadakamat a kaso sakbay a malpas iti tawen.
