--Ads--
Al-allukoyen ti Animal Kingdom Foundation dagiti umili a saan nga agaramat iti paputok ita a saraboen ti baro a tawen tapno masalwadan dagiti taraken manipud iti toxic substances nga ipaayna.
Iti pannaki-uman ti Bombo Radyo Vigan ken ni Atty. Heidi Caguioa, no saan a maliklikan ti agpaputok ket nasaysayaat nga ipan iti uneg dagiti taraken – isarra dagiti ridaw ken tawa tapno saanda a mangngeg ti napigsa nga uni dagiti paputok agsipud ta ti panagdengngegda ket nasensensitibo pay ngem iti panagdengngeg ti tao.
Ballaag ni Caguioa a dagiti taraken ket mabalin a mapukaw ti panagdengngegda no saanda a kabaelan dagiti napigsa nga uni.
No met dagiti taraken ta nakatilmon iti paputok ket ipan nga insigida iti veterinary clinic tapno mataming.
-- ADVERTISEMENT --
