Ama a binagkong ti putotna, natay

Natay ti maysa nga ama a binagkong ti putotna idiay Barangay San Vicente, Lidlidda, Ilocos Sur.

Ti suspek ket agtawen iti duapulo ket siam idinto a ti biktima ket lalaki nga agtawen iti limapulo ket siam, agpada nga agnaed iti nasao a lugar.

Personal a nagturong ti maysa a lalaki nga agtawen iti uppat a pulo ket innem a taga-Suysuyan, Lidlidda iti kapulisan tapno ireport ti napasamak a pammagkong ken boluntaryo nga insukona ti suspek a kaanakanna agraman ti patadem a naaramat.

Sakbay ti pasamak, adda iti uneg ti pagtaenganda dagiti agama ket bayat ti pannaturog ti biktima, nangala ti suspek iti kutsilyo iti kusinada ket dinuyokna ti biktima.

Naipaagas iti ospital ti biktima ngem naideklarar a dead on arrival.