Maysa nga aktibo a CAFGU member iti nakemmeg iti ili ti Galimuyod gapu iti panagilakona iti shabu.
Ti suspek ket agtawen iti duapulo ket walo nga agnaed iti nasao nga ili ngem nakadestino iti ili ti Salcedo.
Iti pannaki-uman ti Bombo Radyo Vigan ken ni PLt. Arnel Valdez iti Galimuyod Municipal Police Station, idi naisayangkat iti buy-bust operation ket nagatangan iti illegal a droga ti suspek babaen ti poseur buyer ngem nakadlaw a polis ti katransaksyonna isu a timmaray a napaspas, mangipasimudaag a well-trained.
Nupay kasta ket insayangkat dagiti otoridad ti hot pursuit operation a gappuanan iti pannakakemmeg ti suspek.
Segun ken ni Valdez, dakkel a banag ti pannakakemmeg ti suspek tapno saanen a makaimpluwensya pay kadagiti kalugaranna nangruna ket drug-free municipality iti ili ti Galimuyod.
Nagballaag ni Valdez kadagiti adda planona a mapan agilako iti maiparit nga agas lugarda nga isardengdan iti illegal nga aktibidadda ket agbalbaliwen sakbay a maudi iti amin ta siguradoenna a saanda nga agtalna agingga saanda a makemmeg.
