VIGAN CITY – Saan nga agpayso iti damag nga agwarwaras idiay Candon City nga addan ti kaso ti African Swine Fever iti nasao a lugar.
Ti pannaki-uman ti Bombo Radyo Vigan kenni Dr. Rolando Maranion, City Veterinary Office ti Candon, awan iti masapol a pakadanagan dagiti hog raisers ta awan pay ti ASF iti lugar da ta iso iti kangrunaan nga imonmonitor da.
Agingga ka dagitoy a gundaway awan pay iti dimmanon iti opisina da a sabsabali a pasamak kadagiti dingwen dagiti agtartaraken ti baboy.
Innayon ti opisyal nga ububraen da amin iti kabaelan da tapno saan a makadanun iti siyudad ti Candon ti nasao a sakit.
Ti agdama adda iti executive order nga imparruar ni Mayor Dr. Ericson Singson a maiparit a sumbrek dagiti baboy manipod ti ili ti Tagudin, Suyo, Alilem, Cervantes, Sugpon, Sta. Cruz ken sumarsarunon to a mairaman ti Santa Lucia.
