Nadunor dagiti agasawa a nakalugan iti kotse kalpasan nga aksidente a nadungparda iti maysa nga aluminum van idiay Barangay Banaoang, Santa, Ilocos Sur itay alas singko kuarentay singko iti malem, May 20, 2025.
Ti nagmaneho iti White Isuzu Aluminum van ket ni Micheal Pilien a taga-Dacutan, Magsingal idinto a ti nagmaneho ti Black Honda Civic ket da Francis Neil Castillo ken Jermie Castillo nga agpada a taga-Bangbangar, Bangued, Abra pakairamanan dagiti annakda nga 10 yrs old, 5 years old and 1 year old.
Iti pannaki-uman ti Bombo Radyo Vigan ken ni PCapt. Rovic Nelmida iti Santa Municipal Police Station, agpapabagatan a direksyon ti kotse idinto nga adda iti bangir a paset ti kalsada ti aluminum van, idin immagaw ti linya iti kotse isu a nadungparna ti aluminum van.
Segun ken ni Nelmida, patienda a gapu iti panagtudo ken kinagalis iti kalsada nu apay a napasamak iti aksidente.
Nupay nadadael ti sangwanan a paset ti kotse ken uray ti aluminum van ket gasgas laeng iti tumeng ken dadduma a paset ti bagi ti sinagaba dagiti agasawa idinto a saan a naan-ano dagiti annakda ken uray ti driver ken pahinante ti aluminum van.
Agpapadada a naipagas iti Ilocos Sur District Hospital – Narvacan dagiti naglugan iti kotse ken aluminum van ket manamnama iti panagsarita dagiti dua a biang.
