Kinontra ni House Assistant Majority Leader ken Lanao del Sur Rep. Zia Alonto Adiong ti kampo ni Bise Presidente Sara Duterte iti panangibagada a ti panagdengngeg ti Kamara kas maysa a “kangaroo court” bayat a maus- usar met ti decision ti Korte Suprema mainaig iti due process.
Segun ken ni Adiong, maisaysayangkat dagiti agdama nga hearing tapno suroten ti direktiba ti Korte Suprema a masigurado ti karbengan ti respondent iti preliminary inquiry sakbay a maipan iti plenaryo.
Pinasingkedan ti agpampanday linteg nga idi nagiruar ti decision ti Korte Suprema, dinayaw da daytoy ket ita nga ar-aramiden ti Kamara ti bilin ti korte a mangted ti due process, ibaga da met a kangaroo court.
Inlawlawag ni Adiong a ti proseso ket panangsurot iti bilin ni Associate Justice Marvic Leonen iti Kamara nga agbalin a naannad iti panangsurot iti Saligang Batas.
