--Ads--

Indagadag dagiti labor group kadagiti ahensia ti gobierno a palubosanda ti pending compensation para kadagiti Filipino seafarers kalpasan a binaliwan ti Korte Suprema ti bond requirement iti babaen ti Magna Carta of Filipino Seafarers.

Segun ken ni dati a Bayan Muna Rep. Neri Colmenares, adu dagiti nadunor a marino a saan a nakaawat iti kompensasion gapu iti probision a mangikalikagum a mangipasa iti bond.

Indagadagna iti National Labour Relations Commission (NLRC), National Conciliation and Mediation Board (NCMB) ken Department of Labor and Employment (DOLE) nga ipatungpalda amin a pending compensation decisions manipud idi nangrugi ti linteg.

Inlawlawag ti Korte Suprema a ti bond requirement ket naglabsing iti due process ken agpapada a proteksion gapu ta nangpataud daytoy iti kanayonan a pinansial a pakadagsenan dagiti marino sakbay a makaawatda iti kompensasion a naikari kadakuada.

-- ADVERTISEMENT --