Kinumpirmaran ti Malakanyang nga uppat a pulo a Pilipino a tripulante a naglugan iti dua a barko iti naatake iti Strait of Hormuz iti baet ti agtultuloy a tensyon idiay Middle East.
Segun ken ni Palace Press Officer Claire Castro, maibasar ti pakaammo ni Migrant Workers Secretary Hans Leo Cacdac ken ni Pres. Ferdinand Marcos Jr., awan ti nadangran kadagiti duapulo ket maysa a Pilipino a naglugan iti MV Ever Lovely ken sangapulo ket siam a Pilipino a tripulante iti Panama oil tanker a Kiku.
Agtaltalinaed a seaworthy ti dua a barko ken agtultuloy iti panagibiaheda.
Manamnama a sumangpet idiay Singapore ti MV Ever Lovely inton July 5.
Agtultuloy nga imonmonitor iti gobierno ti kasasaad dagiti tripulante ken nakasagana a mangted ti onboard psychosocial assistance no kasapulan.
Iti kaudian a listaan, 2,100 a Filipino seafarers ti naglugan iti 85 a barko iti natalged a nakaruar ti Strait of Hormuz, idinto a 3,800 met a sabali dagiti barko iti Persian Gulf ti agtultuloy a bambantayan dagiti otoridad.
