--Ads--

Nawaya-wayaan dagiti nasurok 600 a prisoners of war (POW) idiay Yemen kalpasan ti prisoner release deal iti tengnga ti agtultuloy a panagdadangadang iti pagilian.

Segun ken ni Abdul-Qader al-Murtaza, maysa nga opisial ti Houthi a mangay-aywan iti prisoner affairs, daytoy ti kadakkelan a bilang dagiti balud a nawaya-wayaan iti 12 a tawen a singgalut idiay Yemen.

Pinasingkedan met ti International Committee of the Red Cross (ICRC) ti pannakawaya-waya dagiti balud, a kinuyog dagiti pannakabagi ti organisasion tapno agpaeksamen iti medisina.

Sakbay a nawaya-wayaanda, immuna nga ininterbiu dagiti delegado ti ICRC ti tunggal balud tapno matingitingda ti kasasaad ken kasapulanda sakbay nga agawidda.

-- ADVERTISEMENT --