Pinasingkedan ni Senate President Sherwin Gatchalian ti kasapulan a panangpasigurado ti kinatalged ken pagimbagan dagiti ubbing iti panangrisut ti pagilian iti pangta ti El Niño.
Daytoy ket kagiddan ti selebrasion ti National Children’s Month ita a bulan.
Impaganetget ni Gatchalian a salwadan ti salun-at dagiti ubbing, kangrunaan ta karaman da iti posible nga apektaran ti El Niño.
Karaman kadagiti peggad a posible a marikna da ti heat-related diseases, dehydration, waterborne diseases, ken panagkaro ti malnutrisyon.
Inallukoy ti senate president dagiti local government unit (LGU) a paingeten ti pannakibinnulig da iti Department of Health (DOH), Department of Education (DepEd), ken dagiti water utility tapno masigurado ti agtultuloy a suplay ti nadalus ken natalged a mainom a danum, ken naan-anay a sanitation facilities dagiti pagadalan ken komunidad.
