Impakaammo ti Philippine National Police a generally peaceful ken nasayaat ti selebrasion ti Undas 2026 iti intero a pagilian.
Segun iti PNP, nakatulong ti nasapa a panagsagana, pannakibinnulig kadagiti ahensia ken kooperasion ti publiko tapno nasayaat a maiwanawan dagiti paglintegan iti adu a bimmisata kadagiti sementeryo ken nagbiahe.
Pinasingkedan ni PNP chief General Jose Melencio Nartatez a nagbalin a natalna ken natalged ti Undas gapu iti disiplina dagiti pulis ken pannakikaysa ti publiko.
Segun iti PNP, kabuklan a 166, 365 a pulis ken force multipliers ti naideploy iti intero a pagilian tapno mabantayan dagiti sementeryo, columbarium, simbahan, kangrunaan a kalsada, transport hubs, pagpasyaran, ken dagiti checkpoint.
Kabayatanna, nagyaman ni Nartatez kadagiti pulis a nagtrabaho iti panawen ti holiday imbes a makadua ti pamilia-da.
