Impasigurado ti National Bureau of Investigation (NBI) a pilaanda ti mayataday nga kaso ti adda iti likudan ti kontrobersial a pet crematorium idiay Bacoor City, Cavite a maipalagip a naireklamo gapu iti pananglokoda kadagiti pet owner.
Imbilin ni NBI Director Atty. Melvin Matibag ti nainget nga imbestigasyon kalpasan a masarakan dagiti 29 a bangkay dagiti aso ken pusa a naibelleng idiay San Jose del Monte, Bulacan.
Im-imbestigaran ita ti NBI no mabalin a maidarum dagiti responsable iti estafa ket impasiguradona kadagiti biktima ti panangipaparangda kadagiti resibo, cremation certificates ken dadduma pay nga ebidensia.
Kabayatanna, impaserra ni Bacoor City Mayor Strike Revilla ti nadakamat a pet crematorium bayat nga agtultuloy ti imbestigasion.
