Pinasingkedan ti Philippine Atmospheric Geophysical and Astronomical Services Administration a sangapulo ket dua a lugar iti pagilian ti posible a makapadas iti tikag wenno nakaro a panagkurang iti tudo sakbay nga agtapos ti Nobiembre gapu iti El Niño.
Malaksid dayta, 57 a lugar ti makapadas iti dry spell idinto nga 11 a lugar met ti posible a maaddaan iti dry condition.
Manamnama a makapadas iti below-normal agingga way below-normal rainfall dagiti sumagmamano a paset ti Luzon, Visayas ken Mindanao, idinto a napigsa agingga napigsa unay ti El Niño iti Pacific Ocean.
Posible nga umabot iti peak ti El Niño sakbay nga agtapos ti 2026 ken agtultuloy ti epektona agingga umuna a paset ti 2027, kagiddan ti manamnama a maysa agingga dua a bagyo a sumrek iti pagilian ita a Nobiembre.
