Agdagup iti 166,365 a polis, dadduma pay nga empleado ti gobierno ken civilian volunteers ti in-deploy ti Philippine National Police (PNP) iti intero a pagilian idi Domingo, Nobiembre 1, tapno masigurado ti seguridad ken urnos bayat ti panagdudupudop dagiti tattao kadagiti sementerio ken memorial parks.
Buklen daytoy ti 78,952 a polis, 20,837 a tattao manipud kadagiti dadduma nga ahensia ti gobierno ken 67,524 a force multiplier, a 29,185 kadagitoy ti naituding kadagiti sementerio ken columbaria.
Nangipasdek pay ti PNP iti 5,308 a police assistance desk a tumulong iti publiko, idinto a dagiti dadduma a personnel ket naidestino kadagiti simbaan, main roads, transport terminals, tourist destinations ken checkpoints.
Agtaltalinaed ti PNP iti full alert status iti intero a panawen ti Undas ken indagadagda iti publiko nga agannad, bantayan dagiti sanikuada, ken siguraduen a natalged dagiti pagtaengan ken luganda bayat ti panagbiaheda.
