Nagkiddaw dagiti agmulmula ti unas ken labor union iti Negros Occidental ti nangatngo ken nainkalintegan a presio ti asukar gapu ta saan pay nga umdas ti agdama a presio tapno masupusopan ti nangato a gastos iti produksion.
Immadu ti presio ti naata nga nasukar kadagiti dadakkel a gilingan iti probinsia, dimmanon iti P2,888 kada 50-kilo bag iti Hawaiian-Philippine Co. ken P2,760 iti First Farmers Holding Corp.
Nagyaman ti Sugar Council ken labor groups ken ni Negros Occidental Governor Eugenio Jose Lacson ken Representative Dino Yulo gapu iti panangsuportada iti awagda iti nangatngato a presio.
Indagadag pay dagiti grupo iti Department of Agriculture (DA) ken Sugar Regulatory Administration (SRA) iti nainget a panangmonitor iti panaggaraw ti merkado tapno masigurado ti natalged a presio ken mataginayon ti panagbiag dagiti agmulmula ken mangmangged.
