--Ads--
Imbingay ti Department of Agriculture (DA) a 961,346 a Pilipino ti nabenepisiaran iti P20 per kilo rice program idi Setiembre, ti kangatuan a bilang dagiti benepisiario iti maysa a bulan.
Nagatang dagiti benepisiario ti 21.4 milion a kilo ti lokal a bagas, nangatngato ngem iti dati a kangatuan a 838,695 idi Abril.
Segun kenni Agriculture Secretary Francisco Tiu Laurel Jr., nasurok a 5.6 million a Pilipino ti natulongan iti nasao a programa manipud Enero agingga iti Setiembre, agdagup iti 135.98 million a kilos ti nailako a bagas.
Mangrugi inton Disiembre, mapalubosan dagiti kualipikado a benepisiario a mangikkat iti binulan a 30-kilo nga alokasionda iti maysa a transaksion, bayat a naikeddeng nga agtultuloy ti programa agingga iti Hunio 2028.
-- ADVERTISEMENT --
