--Ads--
Impasigurado ti Department of Agriculture (DA) nga adda umdas a suplay ti taraon iti intero a pagilian agingga iti malpas ti 2026, iti laksid ti panagkapoy ti piso kontra iti dolyar ken dadduma pay a foreign currency.
Segun ken ni DA Spokesperson Assistant Secretary Arnel De Mesa, aggapu ti suplay kadagiti lokal a mannalon ken produkto nga aggapu iti sabali a pagilian.
Inyunay-unay ni De Mesa a saanen a kasapulan ti panagbuteng ti publiko gapu ta umdasen ti suplay dagiti basic commodities, kas kinuna ni Presidente Ferdinand Marcos Jr.
Kabayatanna, isagsagana ti DA dagiti addang tapno matulongan dagiti lokal a mannalon a maapektaran iti panagkapoy ti pisos ken ti kumarkaro nga El Niño phenomenon.
-- ADVERTISEMENT --
