--Ads--
Innem a tattao ti nadunor kalpasan a nagdinnungpar ti maysa a taxi ken dump truck iti AMLAC Street, Barangay Payatas, Quezon City.
Segun iti Quezon City Police District (QCPD), mapapati a napukaw ti preno ti dump truck sakbay a nabaliktad ket naaddaganna ti taxi, idinto a naidungpar met iti SUV manipud iti sabali a linya.
Nadunor ti drayber ti taxi, uppat a pasaherona, ken ti drayber ti dump truck, idinto a tallo nga oras ti rescue operation sakbay a naisalakan ti taxi driver a naipit iti nasao a lugan.
Ti insidente ket nakaigapuan ti napigsa a trapiko iti Payatas Road, bayat nga agtultuloy ti panagimbestigar ti QCPD no ania ti rason ti panagdinnungpar ken no siasino ti rumbeng a responsable.
-- ADVERTISEMENT --
