--Ads--
Immabot iti spilling level nga 80.17 meters ti lebel ti danum iti La Mesa Dam, idiay Quezon City gapu ti agtultuloy a panagtudo.
Gapu iti panagngato ti danum iti nadakamat a dam, manamnama a maka-apekto daytoy kadagiti lugar ken barangay a masarakan iti asideg ti Tullahan River.
Karaman kadagiti madak-dakamat a lugar a posible a malayus iti Quezon City Fairview, Forest Hills Subdivision, Quirino Highway, Sta. Quiteria, ken San Bartolome.
Apektado met ti panagngato ti danum iti karayan ti dadduma pay a kaasideg a lugar pakairamanan ti Caloocan, Valenzuela partikular ti North Expressway ken La Huerta Subdivision, kasta pay ti Malabon City ken Navotas City.
-- ADVERTISEMENT --
