--Ads--
Indagadag ni Presidente Ferdinand Marcos Jr. iti publiko a saan nga agdanag kalpasan a kimmapuy ti piso idi damo agingga iti P64 kada doliar, nga innaigna iti agtultuloy a panagngato ti presio ti petrolyo ken ti epektona iti ekonomia.
Segun ken ni Presidente Marcos, ti polisia ti gobierno ket idepensana ti balor ti piso agingga a mabalin ken adda met kabaelanna a mangaramid iti daytoy.
Impasigurado pay ti Presidente nga ar-aramiden ti gobierno ti amin a kabaelanna tapno maibaba ti presio dagiti kangrunaan a taraon.
Nagtultuloy a kimmapuy ti peso kadagiti napalabas a lawas, kalpasan a maulit-ulit a nakadanon iti rekord a kababaan no idilig iti doliar, agraman ti panagserra iti P63.95 idi Lunes.
-- ADVERTISEMENT --
