--Ads--
Nagisayangkat ti Department of National Defense (DND) ti nainget nga imbestigasion iti maipagarup a mid-air collision ken panagswek dagiti dua nga eroplano a nakatayan ti uppat a piloto ti Philippine Air Force (PAF).
Segun ti DND, gagem ti imbestigasion tapno maammuan dagiti pasamak ken rason ti insidente.
Nakipagladingit ti ahensia kadagiti pamilia, giyyem ken kadua dagiti uppat a piloto a napanawan ken impasigurado da ti panangikalintegan ti transparency ken kinatalged dagiti PAF.
Maipalagip nga immunan a naipadamag ti pasamak idi Oktubre 23 iti Fernando Air Base idiay Lipa City, Batangas.
-- ADVERTISEMENT --
