Dinayaw ni Defense Secretary Gilberto “Gibo” Teodoro Jr. ti Philippine Air Force (PAF) gapu iti nalaing a panagakemda iti Exercise Pitch Black 2026 idiay Darwin, Australia.
Segun ken ni Teodoro, makapabilib ken makaited inspirasion ti performance dagiti Pilipino a participants iti multinational air combat exercise nga agkasapulan ti napaspas a koordinasion ken nangato a lebel ti accuracy.
Ti kangrunaan a dinayaw ti Filipino pilot a nagserbi nga Strike Package commander ken nangidaulo iti maysa a grupo iti nasurok-kumurang 20 a lugan iti tangatang manipod lima a pagilian.
Nakipaset pay ti PAF iti maysa a large-scale mission a nakairamanan iti nasurok 60 aircraft.
Impaganetget ni Teodoro a napateg ti panagtitinnulong dagiti kameng tapno agballigi dagiti nasao nga operasion
Kinunana pay nga impakia ti Exercise Pitch Black ti pagkasapulan para kadagiti naing-inget a kooperasion ken international law ken United Nations Convention on the Law of the Sea.
